صح مني الغلط بس انه مو معصوم

صح مني الغلط بس انه مو معصوم

ماريدك بعد والعشره افضها وياك

وكافي من المراوغ صرت عالحبلين

شفتك ويه غيري وماكلت لك ليش

ومامعقوله اجذب لو اشك بالعين

صح مني الغلط بس انه مو معصوم

انطيتك مجال وماعرفتك زين

صدك من عرفتك جنت قشمر شوك

وجنت باول قطار اليحمل العشرين

حسبالي من اطول بالعشك وياك

بلكت نتفق ونصير اعز اثنين

وكلبت وياك صفحه وكل دغش ممنوع

وحلفت اكبال عينك بالحسن وحسين

ماخونك ابد شايل ثكل عالناس

اعله مودك من اسولف وجه مو وجهين

تذكر لو نسيت شلون جنت ارضيك

من تزعل عليه وتبتعد مترين

اجيلك كلي احرمص وانه ماغلطان

ومشايه عله بيتك حملت صوبين

وابوسنك بخدك واعتذاري يطول

وراضي شما قسيت ولا قبلت تلين

وتذكر من جنت من مااشوفك يوم

اضل احرك بدمي وعين تبجي بعين

ويماشيني القلق واكره اضوك الزاد

وكلبي شلون ورده ولاحها السجين

شكد منعوني منك واعتبرهم ناس

تكره ماتريد اثنين مصافين

ومارد لك طلب من جنت تطلب يوم

معتبرك تمون وماحسبتك زين

مغرور بحلاتك جنت اكلك دوم

خيعوني بجمالك كون اعيش اسنين

وتذكر عله زنودي شلون جنت تنام

واسولف لك سوالف ماسمعها احد

واغنيلك حبيبي وهايم بطرواك

واحجيلك غزل ومضات ماتنعد

شجاك شغيرك تجفي وتشظ اليوم

نسيت بساع ودي وقدميت الصد

وتمشي اكبال عيني وتكتل بممشاك

وتضحك ويه غيري وصلف تتعمد

راح ازعل وياك ومالي رده انوب

وراح اللساني اكصه عليك لو ينشد

كرهتك من حياتي ومااريدك روح

من بالي انسيت وخلي اتعود

وتندم تالي ترجع وانه مامسؤؤل

ابوجهك لون بابي من الرئيسي انسد

تقبلوا أرق تح يـــــــــــــاتي