منتدى حســـــــــيـــــــــــنـــــــــــي انـــــــــا
اهـــــــلا وســـــــهــــــــلا
نــــــورتــــــــونـــــــــا
انــــتـــــم الان فـــــي خـــــدمــــــة
الامــــــام الــــحــــســــــــيــــــن (ع)
فـــهــــنـــــيـــــئـــــا لــــكــــــم
لا تــــنــــســــــوا الـــتســــجــــيــــل

الاداره

منتدى حســـــــــيـــــــــــنـــــــــــي انـــــــــا

منتدى اسلامي وثقافي خاص بأهل بيت العصمه عليهم السلام بأدارة ابن كربلاء
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 ومضات وابوذيات رائعه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دعاء الساعدي
عضو جديد
avatar

عدد المساهمات : 38
نقاط : 111
تاريخ التسجيل : 08/12/2010
العمر : 27

مُساهمةموضوع: ومضات وابوذيات رائعه   السبت مارس 12, 2011 3:35 am

شما حطن شكر عالجاي مر يصير
فدوه شويه حط اعليه من عدك
خدك شاف خدك أمس جلب بيك
كظ خدك بحركة وباسك بخدك

بالطيف من اشوفك انه اصيح الله
أنت شكد حلو وحته أحله من كلك
ولوشوفك صدك وكبال عيني تصير
ما صفك بدية أبعيني اصفكلك


يلعايش بروحي ونه عايش بيك
شجاك وعلغدر دمرت الحساس
انه كلبي وفي وما يعرف يخون
لذلك تركتك انته والعباس

ماحب البعد حبيت اعيش وياك
حياتي بلا وجودك شنهي معناها
انه بعرسي حبيت اسمع الهوسات
هاي الرادها وهاي التمناها

تعال اكعد بكلبي وشوف شيصير
كل دكه ونبضه تصرخ باسمك
مو قران جيب الكعبه وياك
حتى احلف عليه شكد اني احبك

كلبي ينوح من اصد عين بعين
وشفت طولك حبيبي وثكلت نوحي
لو مثلك حلو جان ما طلعت الباب
يعمي وداعتك جان جومت روحي



لا تسألني عنـك انت بيه تعيـش
تعال لمدن روحـي وعنـك اسألها
جانت قلعة روحي ومايطبها الجيش
لكن جيش حبك دخل واحتلـها


يمن بيك الجمال تعده الحدود
ومن خدك خذو لمعات النجوم
اشترينة هدوم حلوة الخاطر العيد
وانت العيد لجلك يشتري اهدوم

فدوا اتوسلك لاتزعل اترجاك
ولواادري بزعلتك انه راح انذل
خل انذل اولي يطبني ميه طوب
بس هيج ابحلاتك كفر من يزعل

عصفور العمر علمته توه يطيـــــــر
ليش ترده الي وجنحانه مشبوكة
صح أنت حلو بس لا تظل مغرور
أكو أحلى من الشكر وتذوبه خاشوكة

ياليل هم رجعت شتريد وك ياليل
من وحشتك شيبت و الحيل ما ظل حيل
مثل الرماد اشتعل و ابقى احترك كلي
من اذكر امي الصبح من تكعد تصلي

المثلك مايخلي تشوفه عين الناس
ايضم روحه يطلع بالشهر ساعه
لان اتعم علينه وملحدين نصير
اذا شفناك نكفر حته بالطاعه

باوع خدك الجنت انه ابوسه هواي
هم تذكرني لو غيرتك الفركه ؟؟
بوساتك بعدهه بصدري يمي تبات
وعطرك بعده يصعد بيه كل شهكه

سويتك علك وزورتك العباس
من كد ما احبك بيدي شديتك
خفت اتضيع مني وكل حياتي اتضيع
سويتك كلب وبكلب ضميتك

تهز كلبي بلسانك من تضوك شفاك
واذا ضكتك اموت بهزه قلبيه
من تضحك غصب تضحك شفافي وياك
عندي الحاله صارت لا اراديه



ابوذيات :

منو النكر عهده من عهد من
انهدم كلبك وكلبي من عهد من
عشكنا تعرف شوكت ومن عهد من
قبل الاسلام هسه تخون بيــــــه

يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه

الهــــجر يكتل يصاحب وانت داري
عليـــــك يخاف كلبي وانت داري
انـــت اهلي وعمامي وانت داري
انــــت امـــــــي وابـوي واخ اليه


طبع البينة نهوى من هوانة
ولو ضاق النفس ننطي من هوانة
شفت اوصاف تعرف منهو انة
انة عراقي وهويتي سومرية

شي مرتاح نومــــــه هني شي فاز
وشي خسران بالحب ولك شي فاز
اريد اشــــــرب بهجرك بطل شيفاز
واخلي اهل العــــــــرگ تحتار بيه

حبيبي الشوق لا تكطع وصالة
الك بكلبي كم غرفة وصالة
نجوى تروح الك فدوة واصالة
ووياهن لطيفة التونسية

وحك من خالق السبعة بسته
روحي ماتحب غيرك بس انته
خدك بالحلم يسمر بسته
وتطاير ورد من خدك علية

احبك من تصل لية واصل ليك
واكطع كلبي بفراكك وصل ليك
احسك ركعة كل ساعة اصليك
واصيح الله واكبر حن علية

لغيرك رام كلبي ابد مخزن
ولك عشك بوسط هالروح مخزن
اذا حبيت غيرك هاك مخزن
ابو ثلاثين طلقه وفرغه بية

مر مرة حبيبي ومرة دانه
اخذ يسحك بكلبي ومردانه
غديت اخلع قميصي من ردانه
لان بس الجلد والعظم بيه

انا العطشان منك مي اتاني
مثل صبري بغيابك من يتاني
تكلي شلون صحتك ميت اني
لان فركاك هو العم عليه

يبو طول الحلو والعسل:: شفتك
غرامك شبكاني وبعد :: شفتك
طحت وسودنت من يوم :: شفتك
وكمت ازحف زحف بثنين ادية

تحياتي


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ومضات وابوذيات رائعه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى حســـــــــيـــــــــــنـــــــــــي انـــــــــا :: ألـمــنــــتــــدى الادبــــــــــي :: قسم الشعر الشعبي-
انتقل الى: