كاتلني بمشيتك

موضوع: كاتلني بمشيتك السبت مارس 12, 2011 3:38 am

كاتلني بمشيتك من تمر عالبــــــــــاب ويا بــــاب التمره يطيح من طــــــوله
دكت جعب رجلك من تدك عالـــــــكَاع مو دكة حــــــذاء تكَـــول هلـــــــــوله
دكت جعـــــــــب رجلك عالرصيف تكَول غـــاره تصير عدنة وتنـــــــكَلب جوله
ناقوس بمشيته يكَــــــــعد الغــــــافين كَـــــــــامو ولـــــــذلك رمل فرشوله
ســــولــــــه وبيه أشتم بيك من تفوت وتشتمني بمشـيتك بيك هم سوله
يخاف من الحسد كل حينه كَام علـيه لو مر بالعــــــــــكَد حرمل يشعلوله
اليشوف الحلو بكَلبه يصــــــــلي عليه لكن يم جماله الناس مخبــــــــوله
يطير المستحه والخجل هـــــــم يروح اللهم صلي بوجهه كَالـــــــــــــــوله
عينك عين عين وحد جمال العـــــين حور العين يمك عينهن حــــــــولـــــه